Għat-tieni ġimgħa konsekuttiva, il-plejer internazzjonali Malti Teddy Teuma reġa’ għamel prestazzjoni mill-aqwa mat-tim ta’ Reims fil-Kampjonat Franċiż.
Dan hekk kif Teuma kien involut fiż-żewġ gowls skurjati mit-tim tiegħu, fi draw ta’ 2 – 2 kontra t-tim ta’ Metz.
F’din il-logħba, Teuma skurja gowl fit-52 minuta, waqt li qabel fis-17-il minuta qassam lil Oumar Diakité, li skurja l-ewwel gowl.
Din il-prestazzjoni waslet biex għat-tieni ġimgħa konsekuttiva, Teddy Teuma jinsab fit-tim tal-ġimgħa tal-Kampjonat Franċiż.
Ma’ dan it-tim flimkien ma’ Teddy Teuma, hemm fost l-oħrajn Kylian Mbappe, Gianluigi Donnarumma u Achraf Hakimi – bit-tlieta li huma jilgħabu mat-tim ta’ PSG.
Aqra aktar: “Wieħed mill-aqwa gowls li skurjajt fil-karriera tiegħi” – Teddy Teuma f’intervista ma’ ONE News – ONE
