Lill-plejers ta’ Arsenal, Mesut Ozil u Sead Kolasinac ippruvaw jisirqulhom il-karozzi respettivi tagħhom waqt li kienu qegħdin isuqu.
Il-klabb ta’ Arsenal stqarr li ż-żewġ plejers jinsabu qawwijin u sħaħ. Iż-żewġ każijiet seħħu f’Londra.
Filmati li qed jidhru fuq siti, juru lil Kolasinac jiġri wara l-ħallelin f’Patts Lane qrib Golders Green għal ħabta tal-5:00 p.m ħin Ingliż. L-aggressur dehru jippuntaw sikkina lejn il-plejer ta’ 26 sena.
S’issa l-Pulizija Ingliża għadha m’għamlet l-ebda arrest. Kolansinac u Ozil ma kinux l-ewwel vittmi ta’ aggressjoni bħal din f’Londra. Dan għaliex fl-2016, il-plejer ta’ West Ham, Andy Carroll safa’ mhedded fi triqtu lura d-dar minn sessjoni ta’ taħriġ.
Ritratt: Reuters
