Il-kantanta Maltija Emma Muscat tat interpretazzjoni eċċellenti tal-kanzunetta In Assenza Di Te ta’ Laura Pausini fil-programm Amici.
Amici hi skola li fiha żgħażagħ jitħarrġu fil-mużika, żfin u kif ukoll reċtar fejn wara jikkompetu kontra xulxin sabiex jgħaddu għall-istadju li jmiss. Dan kollu quddiem udjenza mill-ikbar hekk kif jixxandar fuq l-istazzjon Taljan Canale 5.Għal diversi drabi Emma ġiet ikkritikata li tkanta biss bl-Ingliż, iżda din id-darba tathom risposta hekk kif kantat kanzunetta bit-Taljan u tat interpretazzjoni mill-aqwa bl-udjenza ċċapċpilha. Kienu bosta Taljani li kkummentaw fuq filmat ta’ Emma tkanta fejn kitbulha li tkanta xi tkanta, it-talent xorta jidher. Dan għax hi tfajla b’talent mill-isbaħ u sabiħa kemm minn ġewwa u kif ukoll minn barra.
Uħud ikkummentaw kif issa ħadd ma jista’ jikkritikaha li ma tkantax bit-Taljan, għax ir-risposta ħaduha b’mod ċar.
