Taljan arrestat b’rabta ma’ traffikar ta’ droga f’Għawdex

Taljan ta’ 36 sena ġie arrestat il-Ħamis waranofshinar, mill-Pulizija b’rabta ma’ allegat traffikar ta’ droga f’taż-Żebbuġ, Għawdex. 

Minn tfittxijiet li saru fir-residenza nstabu madwar 15-il kilogramma sustanza suspettata kannabis, maqsuma fi qratas lesti biex jinbiegħu, fejn il-valur fis-suq ilaħħaq madwar €150,000. 

Instabu wkoll mat-€3,000 fi flus kontanti. 

Ir-raġel se jkun qiegħed jitressaq il-Qorti t’Għawdex illum għall-ħabta tal-għaxra u nofs ta’ filgħodu quddiem il-Maġistrat Simone Grech.