Il-Pulizija Maltija wettqet b’suċċess Mandat ta’ Arrest Ewropew fil-konfront ta’ ċittadin Taljan ta’ 50 sena, li huwa mfittex mill-Uffiċċju tal-Prosekutur Pubbliku tal-Qorti ta’ Brindisi.
L-operazzjoni tal-arrest saret kmieni dalgħodu wara ġimgħat ta’ investigazzjonijiet fejn ġie stabbilit li l-persuna qiegħda tgħix il-Mosta.
Pulizija minn diversi taqsimiet iċċirkondaw irresidenza fejn qiegħed jgħix u ġie arrestat.
L-awtoritajiet Taljani kienu ħarġu mandat ta’ arrest fil-konfront tat-Taljan, fl-24 ta’ Jannar tal2022, sabiex jiskonta sentenza ta’ priġunerija.
L-operazzjoni ta’ dalgħodu saret bilkollaborazzjoni mal-Pulizija Taljana.
Ir-raġel mistenni jitressaq il-Qorti llum, għal ħabta ta’ nofsinhar quddiem il-Maġistrat tal-Għassa Dr Giannella Camilleri Busuttil , biex jibdew il-proċeduri ta’ estradizzjoni lejn l-Italja.
