Il-ħidma tal-volontiera tal-SOS Malta Urban Search and Rescue K9 se tkompli, dan wara li l-Kap li qed imexxi l-operazzjoni ta’ salvataġġ fl-Italja, Antonio Tassi, tkellem mal-volontier ta’ SOS Malta, John Gera dwar l-assistenza li jistgħu ikomplu joffru lill-vittmi ta’ dan it-terremot. Dan wara li lbieraħ ġew mitluba li jżommu l‘bogħod miż-żona maħkuma mit-terremot fl-Italja.
Aħbar tajba wkoll dwar iż-żewġt iklieb tal-K9, li skont il-veterinarju Taljan li qed jgħin fuq il-post, huma b’saħħithom u f’kundizzjoni tajba.
L-SOS Malta Urban Search and Rescue K9 irringrazzjat lill-ambaxattriċi Vanessa Frazier għas-sapport li qed toffri lill-volontiera Maltin.
“Ejja naħdmu bħala nazzjon, u ngħinu biex dan il-post jerġa’ jinbena.”
