Is Sibt li għadda Valletta Lions Table Football Club organizza il-kompetizzjoni tal Għid wara assenza ta’ sentejn minħabba l-pandemija.
Il-kompetizzjoni ġiet organizzata fil-bini tal-Kunsill tal-Belt fejn ħadu sehem disa’ membri tal-klabb.
Il-kompetizzjoni ntlagħbet fuq format ta’ league fejn kull plejer lagħab kontra xulxin f’ sessjoni ta’ 20 minuta fejn wara l-ewwel erbgħa lagħbu ir-rawnd finali kontra xulxin.
L-ewwel tnejn fil-klassifika, Alfred Bonnici u Frank Chetcuti Dimech lagħbu il-finali fejn Bonnici rebah 3-1. Wara li fl-ewwel taqsima spiċċat bla goals, Chetcuti Dimech fetaħ l-iskor iżda Bonnici ġie lura u skorja tlett goals biex rebaħ il finali.
Adrian Bonnici u Steve Austin lagħbu għat-tielet u r-raba’ post fejn Bonnici spiċċa rebbieħ 5-2.
Ħadu sehem ukoll iż-żewġ akkwisti Daniel Spadaro u Spencer Conti flimkien ma’ Isaac Camilleri, Jayden Bonnici u Joe Zammit Pavia.
