Starlight hi kelba li minkejja li kull m’għandha ħames xhur, il-ħajja ma tantx tbissmitilha hekk kif instabet abbandunata mingħajr pil minħabba kundizzjoni li għandha fil-ġilda.
F’messaġġ li poġġew fuq il-paġna tal-Facebook, l-Animal Welfare ta’ Għawdex kiteb kif dan hu każ ieħor f’lista twila ta’ annimali li għaddew minn mumenti diffiċli kawża ta’ negliġenza tal-bnedmin. Spjegaw kif Starlight instabet mingħajr pil kawża ta’ kundizzjoni tal-ġilda, u bħalissa qed tingħata l-kura sabiex itaffila l-uġigħ.
Il-messaġġ temm b’appell biex dak li jkun jieħu ħsieb lill-pets hekk kif dawn huma kreaturi innoċent li ħaqqhom imħabba mingħajr limitu u li Starlight se tkun qed tfittex familja li lesta tħobbha kif terġa’ tirpilja.
