OLSC Gozo, il-klabb uffiċjali tas-supporters tal-Liverpool FC f’Għawdex, se jinawgura l-klabb il-ġdid tiegħu llum it-Tlieta 6 ta’ Ġunju 2023 fis-7:30pm. Mistednin speċjali għal dan l-avveniment se jkun hemm il-plejers leggendarji Phil Thompson, Sammy Lee u Bruce Grobbelaar, li bejniethom rebħu ‘l fuq minn erbgħin unur għal klabb ta’ Liverpool FC.
Il-kantawtur minn Liverpool Marc Kenny, magħruf għad-diski tiegħu ‘Egyptian King Mo Salah’, ‘Trent Alexander-Arnold (Corner Taken Quickly)’ u ‘I’m so Glad Jürgen is a Red’ u l-band lokali Cash and Band se jkunu qed janimaw din is-serata.
Il-klabb il-ġdid tal-OLSC Gozo, li jinsab f’26, Triq il-Knisja, ix-Xewkija, se jkun mgħammar b’faċilitajiet mill-aktar moderni u se jservi bħala l-post fejn il-partitarji se jkunu jistħhu isegwu lit-tim ta’ Liverpool.
