Aktar unuri għat-triatleta malti Liam Daly hekk kif ftit tal-ġranet ilu ġie onorat minn Triathlon Ireland.
Dan hekk kif Daly spiċċa fl-ewwel post fil-Kategorija 12/13-il sena kemm fil-Youth Series u anke fil-Kampjonat Nazzjonali li sar fl-Irlanda.
REKLAM
SKROLLJA BIEX TKOMPLI
Daly, li għad għandu 13-il sena, huwa triatleta tal-klabb għawdxi Shamrock Stars. Huwa kien ippremjat waqt ċerimonja li saret fi Sport Ireland Campus.
Dak fl-Irlanda kien l-aħħar minn sensiela ta’ suċċessi u kisbiet li kellu Liam Daly matul din is-sena. Tispikka fost oħrajn l-għawma rekord li kien għamel minn Malta għal Għawdex f’Ottubru li għadda biex b’hekk sar l-iżgħar tifel f’pajjiżna li qatt wettaq għawma ta’ 11-il kilometru.
