Suċċess għall-kickboxer lokali Samuele Andolina hekk kif fi tmiem il-ġimgħa ikkompeta fl-Evolution Fight Road To One Championship f’Rosolini Sqallija. Dan l-avveniment huwa wieħed prestiġjuż u mfittex ħafna mid-dilettanti ta’ dan l-isport, tant li qed jintwera ‘live’ mill-istazzjonijiet televiżivi DAZN u OnE Championships.
Samuele Andolina iġġieled mat-taljan Paolo Cannito, li huwa champion WKU European, bil-kickboxer lokali ħareġ rebbieġ b’Knock Out impressjonanti fl-ewwel ftit minuti tal-ewwel round.
REKLAM
SKROLLJA BIEX TKOMPLI
Samuele Andolina ġej mill-Club Team Noel Malta u Gladiators Promotions. Huwa jgħix f’ Malta u ilu għal bosta snin jitħarreġ u jikkompeti fil-Kickboxing f’isem pajjiżna, b’bosta wirjiet u riżultati sbieħ.
