L-Institut għall-Arti Kreattiva ilha torganizza esebizzjoni fl-aħħar tas-sena għal dawn l-aħħar tminstax–il sena. F’dawn l-aħħar sentejn, dan l-avveniment kulturali ħa żvolta ġdida u nbidel fi festival, fejn l-Institut jiġi mibdul f’villaġġ artistiku. Il-festival huwa wirja tal-aqwa xogħlijiet tal-istudenti tad-dipartimenti kollha tagħna. F’kull serata jkun hemm aċċenn għal dipartiment partikolari fejn isiru għadd ta’ attivitajiet ta’ natura interattiva li permezz tagħhom jinfetaħ djalogu bejn l-istudenti, il-professjonisti, l-industrija u l-għalliema.
L-isem tal-festival din is-sena huwa “It all starts here”. Fil-fatt il-festival huwa mhux biss il-bidu tal-karriera tal-istudenti tal-Instituti, imam wisq iktar il-mument li fih bosta student ħerġin mill-iskejjel sekondarji, jintebħu bi-sejħa tagħhom biex jkomplu l-istudji tagħhom f’dan l-Institut. Il-festival jiftaħ il-Ġimgħa filgħaxija u jibqa’ għaddej sat-Tlieta 4 ta’ Lulju. Mis-Sibt ‘il quddiem il-wirja tkun miftuħa mid-9 ta’ filgħodu sad- 9 ta’ filgħaxija, u l-attivatijiet iseħħu filgħaxija. Id-dħul huwa b’xejn.
Il-Ġimgħa hi ddedikata lid-dipartiment tal-Arti Performattiva. Żfin Malta ħa jippreżentaw werkxop dwar il-moviment u l-istudenti ħa juru x-xogħol teatrali tagħhom. Il-jum għad-dipartiment tal-Fine Art huwa s-Sibt fejn ħa jkollhom preżentazzjonijiet tax-xogħlijiet tagħhom. Il-Ħadd hija l-iktar ġurnata impennjativa fejn filgħodu nibdew bil-preżentazzjonijiet tal-vidjows mużikali. Tard waranofsinhar, ikun hem Q & A mill-alumni tagħna u wara ikun hemm iċ-ċerimonja tal-premijiet tal-istudenti tal-Midja, Ġurnaliżmu u Fotografija. Id-dipartiment tal-Fotografija ħa jorganizza photo hunt u review session ta’ xogħlijiet ta’ natura fotografika. Is-serata tagħlaq b’drive-in cinema fejn fiha l-istudenti ħa juru l-aqwa filmati tagħhom. It-Tnejn huwa l-jum għad-dipartiment tad-3D design.
Is-serata tiftaħ b’sessjoni minn Ms Elaine Falzon dwar fondi għad-disinjaturi u b’master class minn Adrian Mamo dwar set design. Wara jkun hemm l-awards għall-istudenti tad-disinn Il-festival jagħlaq it-Tlieta b’attivitajiet mid-dipartimenti tad-Disinn Grafiku, Media Interattiva u Game Art. L-ewwel avveniment ħa jkun werkxop dwar kif tibni logħba, li tiġi segwita minn Behance Portfolio review. Is-serata tagħlaq b’networking session.
