Steven Gerrard jirtira mill-futbol wara karriera ta’ 19-il sena

L-eks plejer tal-Liverpool u kaptan tat-tim tal-futbol tal-Ingilterra, Steven Gerrard, irtira mil-futbol, dan wara karriera ta’ 19-il sena.

Gerrard, li għandu 36 sena, lagħab 710 darba mal-Liverpool, rebaħ tmien trofej importanti, u ingħaqad ma’ LA Galaxy fis-sena 2015.

Għall-ewwel kien maħsub li Gerrard kien se jibda xogħol ta’ maniġment ma’ MK Dons wara li ħabbar li se jkun qed jitlaq mill-irwol tiegħu fil-karriera tal-futbol ma’ LA Galaxy, iżda l-Erbgħa hu qal li “din l-opportunità ġiet wisq kmieni”.

Gerrard qal li se jkun qed jieħu l-ħin tiegħu biex jikkunsidra kollox qabel iħabbar il-pass li jmiss tal-karriera tiegħu . Hu qal “Ninsab ferm eċitat għal x’jista’ joffri l-futur u nħoss li fadal ħafna ta’ x’nista’ noffri.”