Din is-sena San Bartilmew mhux ser ikollu n-nies biss jiċċelebrawh iżda ser ikun hemm festa oħra ta’ nar bl-isem ‘Prelude of Fire’.
Fi żvilupp ġdid mis-snin ta’ qabel, l-Għaqda tan-Nar San Bartilmew preparaw spettaklu sħiħ ta’ erbgħa u għoxrin minuta li jikkonsisti minn torri tan-nar li hu twil kważi għaxar sulari, kif ukoll nar sinkronizzat mal-mużika tal-widna kemm lokali kif ukoll internazzjonali.
Voluntier fi ħdan l-għaqda, Roberto Gauci, spjegalna kif dan il-proċess kien wieħed estensiv u fosthom involvew ix-xiri u l-qtugħ ta’ madwar elfejn pajp għall-bini tat-torri.
