San Ġwann FC ħabbru li wasslu fi ftehim mal-kowċ Stefano Grima sabiex ikompli jmexxi lit-tim għal staġun ieħor.
Filfatt Grima ffirma kuntratt ta’ sena bl-għażla li jġedded b’sena oħra fi tmiem l-istaġun li ġej. B’hekk dan ser ikun ir-raba’ staġun tiegħu bħala kowċ ma’ San Ġwann FC.
Grima ser ikun assistit minn Adrian Buttigieg filwaqt li Jonathan Calleja ser ikun qed jassumi l-irwol ta’ kowċ tal-goalers kif ukoll kowċ tat-tim ta’ taħt id-19-il sena.
Ian Tonna ser ikun il-preparatur fiżiku tat-tim.
