Anzjana li tgħix il-Brazil għamlet snin twal titlob quddiem l-istatwetta ta’ karattru mir-rumanz popolari Lord of The Rings, wara li ħasbet li l-karattru kien Sant’Antnin.
L-anzjana saret taf wara li, Gabriela Brandao, rat l-istatwetta ta’ dan il-karattru għand bużnannitha u tħassbet.
Gabriela fittxet fuq Google biex tara jekk dik l-istatwetta kinitx ta’ Sant’Antnin fejn minn hem saret taf li dan kien Elrond, karattru minn Lord of The Rings.
Kif saru jafu mill-ewwel ipprovaw jgħidu din l-aħbar lill-bużnannithom iżda damet ftit sakemm fehmet xi bdew jgħidulha.
Gabriela qasmet din l-aħbar flimkien ma’ ritratt fuq Facebook fejn ġie ‘shared’ kważi erbat elef darba.
