Il-kampjonat tal-Ewwel Diviżjoni tal-Federazzjoni Boċċi daħal f’fażi interessanti hekk kif kien hemm bidla fl-ewwel post tal-klassifika bit-team ta’ St. Peter’s Zabbar Boċċi Klabb isiru l-leaders il-ġodda.
F’logħba mistennija din il-ġimgħa, St Peter’s Żabbar għelbu lil Żejtun bl-iskor ta’ 21 għal 6.
MIn-naħa tagħhom l-ex leaders tal-klassifika Żebbuġ tilfu l-konfront l-ieħor mistenni kontra Żurrieq bl-iskor ta’ 21 għal 9.
F’aktar ċaqlieq fil-klassifika, Lija laħqu lil Żurrieq u Żebbuġ fit-tieni post grazzi għal rebħa kontra Buġibba bl-iskor ta’ 21 għal 18.
F’riżultati oħra:
Birgu 10-21 Msida
Għaxaq 21-3 Marsamxett
Intant l-ebda tibdil fil-kampjonat tat-Tieni Diviżjoni bit-team ta’ B’Kara jibqgħu fl-ewel post tal-klassifika grazzi għal rebħa ta’ 21-8 fuq Floriana.
