Il-Kamra tan-Nar 15 t’Awwissu tal-Mosta għall-ewwel darba, ser tkun qed itella spettaklu ta’ nar minn fuq torri. Dan flimkien ma’ logħob tradizzjonali ta’ nar ieħor li se jinġarqu qabel dan.
Dan ix-xow ser jittella lejliet il-festa ta’ Santa Marija.
Għall-ewwel darba fil-festa ta’ Santa Marija tal-Mosta se jsir spettaklu ta’ nar minn fuq torri twil ħamsa u erbgħin metru. F’kummenti ma’ One News, il-koordinatur Lawrence Gauci spjega li l-preparamenti għal dan l-ispettaklu ilhom li bdew minn l-aħħar festa, kif ukoll li barra t-torri tan-nar ser ikun hemm logħob tradizzjoni ta’ nar ieħor.
Lawrence kompla jispjega x’ħa jkun qed jinkludi l-ispettaklu mit-tower crane.
Intant, dan l-ispettaklu mill-kamra tan-Nar 15 t’Awwissu se jseħħ lejliet Santa Marija fid-disa’ ta’ filgħaxija.
