It-tfittxija mill-għaddasa tal-Forzi Armati ta’ Malta għal Neil Zammit twaqqfet wara li ntlemħet ħuta kbira fl-inħawi. Issa qed issir tfittxija biss mill-patrol boat. Il-ħelikopter se jerġa’ joħroġ fil-ħin li ġej biex jerġa’ jibda t-tfittxija.
It-tfittxija għal Zammit kompliet kmieni dalgħodu wara li dan intilef meta kien qed jogħdos ma’ raġel ieħor f’Baħar iċ-Ċagħaq.
L-irġiel niżlu jgħoddsu għall-ħut bil-harpoon għall-ħabta tal-17.30 ilbieraħ f’fond ta’ madwar ħames sulari. Sorsi qrib Il-Korp tal-Pulizija kkonfermaw ukoll li r-raġel l-ieħor tela’ fil-wiċċ mingħajr l-ebda assistenza u ma kellux bżonn għajnuna medika.
