Nistgħu niżvelaw diversi affarijiet li se jsiru waqt Liquorish tal-lejla. L-aktar sorpriża mhux mistennija se tkun dik fejn Liquorish, għall-ewwel darba se jlaqqa’ l-eliminati mal-parteċipanti.
Għalkemm wieħed jistenna li dan il-mument ikun pożittiv, wieħed ma jistax jinsa il-fatt li Liquorish joħloq dawn is-sitwazzjonijiet biex jagħmel l-isfida għall-parteċipanti aktar waħda ikkumplikata. Insegwu u naraw x’se jiġri sal-aħħar programm.
Sorpriża oħra għall-parteċipanti se tkun relatata mal-ikel. Quddiem il-parteċipanti, Liquorish se jpoġġi ikel b’abbundanza, ħelu u xorb – dak kollu li xtaqu u li bdew jimmaġinaw. Imma x’se jkun hemm relatat ma dan kollu?
Waqt il-programm tal-lejla, Andrea se tfakkarna li fadal l-aħħar ġimgħa biex intom tgħażlu ir-rebbieħ ta din is-sena permezz tat-televoting u anke fi żmien ġimgħa tagħlaq il-votazzjoni għall-għażla tal-ewwel parteċipant tas-sena d-dieħla. Id-dettalji jinsabu fuq www.liquorish.tv
L-avventura tkompli b’ħafna sorprżi llejla fit-20:30 fuq ONE u ONE HD Channel 113 GO Interactive.
