Il-kelba tad-Dwana Sophie qabdet aktar minn tnax-il elf ewro fi flus mhux dikjarati fuq passiġġier li kien se jaqbad titjira lejn Istanbul minn Malta. Fi stqarrija d-Dipartiment tad-Dwana qal li l-passiġġier inqabad waqt tfittxija ta’ rutina li ssir mis-sezzjoni tagħha tal-klieb u dik ta’ kontra l-ħasil tal-flus.
Il-passiġġier qal lill-uffiċjali tad-Dwana li kellu mat-tmint elef ewro fuqu, iżda wara spezzjoni oħra mill-uffiċjali, nstabulu total ta’ tnax-il elf u mija u għoxrin ewro. Huwa ġie immultant skont il-liġi, li ma tippermettix li passiġġier ikollu aktar minn għaxart elef ewro fuq persuntu mhux iddikjarati.
