Somalu ta’ 31 sena residenti San Pawl il-Baħar ittieħed l-isptar Mater Dei wara li ttajjar minn mutur waqt li kien qed jaqsam it-triq. L-inċident seħħ għall-ħabta tas-7.30a.m fi Triq il-Perit Duminku Mintoff, qrib il-Moskea ta’ Raħal Ġdid. Is-sewwieq tal-mutur, raġel ta’ 41 sena residenti l-Fgura, ittieħed l-Isptar Mater Dei għall-kura wkoll.
Kawża tal-impatt il-mutur ħabat ma’ karozza tat-tip Fiat Uno misjuqa minn mara ta’ 47 sena residenti San Ġwann.
Il-kundizzjoni taż-żewġ irġiel għad mhux magħrufa.
