Jekk iċ-ċellulari, li minnu qed taqra dan l-artiklu issibu utli biex tibgħat messaġġi, twieġeb emails mill-ewwel u ċċempel qraba … insomma jaqdik fil-veru sens tal-kelma, xi tgħid kieku ngħidlek li tista’ tużah għall-pjaċir sesswali wkoll?
Poġġi ċ-ċellulari f’idejk jew fejn tixtieq il-pjaċir dak il-ħin u ibda ħoss l-eċitament daqs dak li tista’ ttik mara jew raġel. L-istess effett, jew ftit aħjar.
M’aħniex ngħidulek biex tidħol f’xi sit tal-Porn biex issegwi minn hemm hekk, anzi qed inkellmuk dwar invenzjoni.
Forsi ħsadnik xi ftit u anka qed tħares lejn l-ismartphone b’mod differenti.
Imma dan mhux aħna qed ngħiduh, imma Taljan, ċertu Francesco Raco u li tkellem dwar invenzjoni li ħoloq fir-rivista Taljana ta’ kull xahar ’l espresso.
L-isem tal-invenzjoni tiegħu hi EroticSmartPhone – hija app li tista’ tinstalla fuq iċ-ċellulari tiegħek.
Qisha sextoy bid-differenza li din tkun dejjem miegħek. Probabbli jekk twaqqgħek mara, it-tentazzjoni li twaqqgħak din l-app hi hemm ukoll u din id-darba l-ħin kollu.
Francesco Raco, l-imprenditur Taljan minn Turin qal li għandu passjoni għat-teknoloġija, il-karozzi u n-nisa. Ngħiduha kif inhi, irnexxielu jgħaqqadhom flimkien u sew. Il-vibrazzjoni li toffri magna u l-ħoss ta’ karozza + teknoloġija u n-nisa = app tas-‘sess’.
Spjega dwar l-app f’Expo dwar divertiment għall-adulti f’Las Vegas, fiera speċifikament għall-adulti.
Kif taħdem? Malli persuna tmiss l-ismartphone tagħha, dak il-moviment jinbidel fi ħsejjes u stampi li jagħtu gost lil min ikun qed jużah. Fi kliemu, l-kunċett ta’ intelliġenza artifiċjali trasferita kollha kemm hi fi smartphone. Jgħid li l-app tista’ tintuża fl-iskejjel dwar edukazzjoni sesswali.
L-azzjoni sseħħ mill-bogħod fuq id-display tal-ismartphone. Fuqu għandek għażla tal-isbaħ nisa jew irġiel skont il-gosti tiegħek.
Sadanittant l-eċitament jibda tiela’ minn żero għal 100% filwaqt li jkun hemm lubrikant speċjali. Ħafna li għamluha ħassewhom daqslikieku ħarġu magħhom.
Iċċaqalqu b’mod b’saħħtu u kollox kien rilaxxat bl-ismartphone.
Is-software hu rregolat b’mod awtomatiku, skont l-esiġenza u l-bżonn tas-saħna tal-mument.
Raco qal li hemm interess kbir għall-app, biex tkompli tiżviluppa u tinkludi l-isbaħ nisa u rġiel li jeċitaw lil dak li jkun. Irid li tkun app b’legat.
Hemm innovattività fuq kull livell. Meta ssiefer u tkun ’il bogħod mis-sieħeb jew sieħba, ejja ngħidu li l-‘app’ hi ideali.
Però diġà qed naqtgħu l-komunikazzjoni bejn dawk ta’ madwarna u ssib min ma joħroġx biex itemm livell ta’ logħba jew biex jara logħba futbol. Issa? Se naslu għall-punt li lanqas ċans għan-namur mhu se jkollna?
