Sliema rebhu l-ewwel edizzjoni tat-turnament internazzjonali ghall-plejers veterani tal-waterpolo li sar fil-pixxina nazzjonali tal-qroqq.
Fit-turnament hadu sehem sitt timijiet, bil-plejers partecipanti jkunu ta’ eta’ ‘il fuq minn erbghin sena. Sliema kienu segwieti minn tim iehor malti, Balluta Masters li kien kompost minn ex plejers ta’ Neptunes u Exiles.
Apparti l-maltin hadu sehem ukoll erba’ timijiet barranin: Imperial Sport tal-Moldova, Atlant tal-Belarus, Bari tal-Italja u Dutch Masters tal-Olanda.
L-avveniment li kien mifrux fuq erba’ ijiem nibet minn idea tal-plejer Stevie Camilleri flimkien mal-president ta’ Exiles Andrew Paris u l-prezentatrici Claire Agius Ordway.
Sar taht l-awspici tal-ASA bil-kollaborazzjoni tal-awtorita’ maltija ghat-turizmu.
Ritratt: Robert Tabone
