Lokali

Sky News ikellem lil Joseph Muscat dwar Brexit

minn ONE News
minn ONE News

Il-Prim Ministru Malti kien ikkowotat minn Sky News wara intervista mal-ġurnalist u editur politiku Faisal Islam.

F’artiklu fil-ġurnal elettroniku tal-istess aġenzija ewlenija tal-aħbarijiet, Joseph Muscat kien kwotat jgħid li l-ftehim li issa se jintlaħaq bejn l-Ewropa u r-Renju Unit se jkun inferjuri għal sħubija sħiħa fl-Unjoni Ewropea.

screen-shot-2016-09-21-at-10-31-13

L-artiklu jkompli jgħid li l-kummenti ta’ Muscat huma sinnifikanti, għax Malta mistennija jkollha l-Presidenza Ewropea, li tfisser li se jkun taħt din il-Presidenza li se jsiru l-ewwel negozjati dwar Brexit, jekk Theresa May tiskatta l-proċeduri ta’ Artiklu 50 fil-bidu tas-sena d-dieħla, kif indikat li se tagħmel.

Joseph Muscat kien wieħed mis-27 mexxejja Ewropej li ltaqgħu f’Bratislava l-ġimgħa li għaddiet, biex ifasslu t-triq ‘l quddiem għall-Unjoni Ewropea, mingħajr ir-Renju Unit.

Sky News innotaw ir-rimarki ta’ Joseph Muscat dwar in-nuqqas ta’ pjan ċar minn-naħa Ingliża dwar Brexit. “Waħda mill-problemi hi li biex tinnegozja, trid tkun taf in-naħa l-oħra xi trid. Bħalissa, ma nafux ir-Renju Unit xi jrid” kien ikkwotat jgħid Muscat, li żied jistaqsi xi jfisser “Brexit” meta tanalizzah.

Il-mexxej Malti qal li ladarba tkun determinata l-pożizzjoni tal-Gvern Ingliż, ir-Renju Unit jingħaqad u hemm jibda jinnegozja favur pożizzjoni komuni.

Joseph Muscat wissa li n-negozjati tal-ħruġ ma jistgħux jinqasmu f’kapitli, jiġifieri ma jistax ikun diskkuss is-suq waħdieni u l-moviment ħieles b’mod separat. Irid, minflok, ikun pjan ħolistiku, u hawn Muscat wissa li pajjiżna mhux se jaqbel malajr ma’ ftehimiet li jimminaw il-kompetittività ta’ Malta stess.

screen-shot-2016-09-21-at-10-46-19

TAGS
Avatar photo

Stay Connected on Subscribed