Skoċċiż żagħżugħ ta’ 21 sena tilef ħajtu kmieni dalgħodu f’San Ġiljan.
Il-każ seħħ għall-ħabta tal-3:45 fi Triq San Ġorġ meta għal xi raġuni l-ġuvni ntilef minn sensih waqt li kien fi stabbiliment tad-divertiment. Fuq il-post issejħu żewġ ambulanzi sabiex jagħtu l-ewwel għajnuna iżda sfortunatament tilef ħajtu fuq il-post.
Jidher li l-kawża tal-mewt kienet waħda naturali.
Dwar dan il-każ infetħet inkjesta mill-Maġistrat tal-Għassa Neville Camilleri.
