Is-sit internazzjonali www.cosmopolitan.com/uk semmiet il-festival tas-sajf li jismu Lost and Found fit-tieni post bħala d-destinazzjoni li wieħed għandu jżur din is-sena fis-sajf li ġej.
Lost and Found se jsir bejn it-tlieta u s-sitta ta’ Mejju li ġej f’postijiet differenti madwar il-gżejjer Maltin.
Huma erbat ijiem ta’ divertiment għal kulħadd immirati għaż-żgħażagħ fejn bosta dj’s internazzjonali jagħtu spettaklu mużikali lil dawk preżenti fosthom ismijiet kbar bħal Annie Mac, Jamie XX, The Martinez Brothers u aktar.
Is-sit ifaħħar ukoll l-esperjenza li Malta bħala gżira mediterranja toffri b’mod naturali; ix-xemx, il-baħar, il-klabbs u l-madwar storiku. Dan il-festival jittella’ f’pajjiżna bl-għajnuna wkoll ta’ fondi mill-MTA.
