Sirjani akkużati li attakkaw nies f’Buġibba

Erbat irġiel ġew akkużati li kienu parti minn grupp li ffastidjaw u attakkaw persuni li kienu fil-pjazz ata’ Buġibba matul s-sajf li għadda.

Al Khadur Fadi, ta’ 26 sena,  Najar Ghyas, ta’ 20 sena , Al Maaloul Abdulkhader u Alghazi Abdallah, ta’ 19-il sena kollha mwielda s-Sirja, u residenti San Pawl il-Baħar, ġew mixlija li kienu parti minn grupp li ffastidja u attakka persuni li kienu f’Buġibba matul s-Sajf li għadda. L-irgiel tressqu l-qorti wara li gew identifikati f’investigazzjoni mill-Pulizija.

Il-kaz sehh fit-tlieta ta’ Lulju li ghadda għall-ħabta tal-għaxra u nofs ta’ filgħaxija meta grupp ta’ madwar għaxart irġiel barranin, possibilment Sirjani, iffastidjaw mara f’ristorant fil-pjazza u ppruvaw ineħħulha s-siġġu. 

Meta ra dan, raġel li kien għaddej qal lill–irgiel biex jieqfu, iżda minflok daru għalih u attakkawh. Fil-kommossjoni li nqalghet, ir-raġel indarab gravi b’daqqa ta’ tazza. 

Ragel fuq il-post xehed li fil-hin tal-incident kien qed jieħu kafe ma’ martu meta l-grupp beda jiffastidjahom b’ballun. Dan ukoll safa ferut wara li gie attakkat meta qalilhom biex jersqu.

Surgent mill-Ghassa tal-Qawra qal li l-irgiel gew identifikati bis-sahha tal-vittmi u ta’ xhieda ohra li jghixu qrib l-Ghassa. 

Ragel iehor gie identifikat ftit wara meta wiehed mill-vittmi raritratt tieghu fuq Facebook u gharraf lill-pulizija.

L-irġiel wieġbu mhux ħatja tal–akkużi miġjuba kontrihom u talbu ghall-ħelsien mill-arrest. Il-Qorti laqgħet it-talba u imponiet garanzija personali ta’ elfejn ewro. L-irgiel gew ordinati jiffirmaw fl-Ghassa tal– Qawra kull nhar ta’ Sibt.