Għall-ewwel darba, investituri finanzjarji xtraw stocks tal-Gvern b’rata negattiva ta’ rendiment.
It-teżor irċieva domanda qawwija ħafna mill-investituri finanzjarji għall-aħħar ħruġ ta’ stocks tal-Gvern fil-valur ta’ €50 miljun.
Għal dan l-istock, il-Gvern irċieva 50 offerta li l-valur tagħhom kien ta’ kważi mitejn u disgħa u disgħin miljun ewro. It-teżor se jalloka tmenin miljun ewro.
Fi tweet, il-Prim Ministru Joseph Muscat qal li l-aħħar ħruġ ta’ stocks tal-Gvern wera domanda qawwija ħafna mill-investituri finanzjarji fil-bonds tal-Gvern ta’ Malta tant li d-domanda għalihom kienet sitt darbiet aktar mill-ammont offrut mill-Gvern.
Huwa żied jgħid li l-biċċa l-kbira ta’ dawn l-applikazzjonijiet se jwasslu lil dawn l-investituri biex għall-ewwel darba jisilfu flushom lill-Gvern b’rendiment negattiv għalihom.
Il-Prim Ministru fisser dan bħala sinjal ċar ta’ fiduċja mill-istituzzjonijiet finanzjarji lejn pajjiżna.
Very strong demand by institutional investors for #Malta Government Bonds with applications received exceeding the amount earmarked by six times. Majority of bids placed at negative yields for the first time. Clear sign of institutional investor confidence -JM @edward_scicluna
— Joseph Muscat (@JosephMuscat_JM) September 6, 2019
