Simon Cowell, Viggo Venn u s-Stormtroopers ta’ Star Wars. Dawn kollha ngħaqdu flimkien f’karru wieħed tal-Karnival magħmul mill-kumpanija Donpe.
Il-karru, li fih qawsalla ta’ lwien u karattri grotteski, qed jitħejja biex fil-jiem li ġejjin iterraq mal-kapitali l-Belt Valletta u l-Furjana fl-isfilata tal-Karnival.
Fil-maħżen tagħhom fil-Marsa sibna lil Antoine Grech li, flimkien ma’ sħabu l-artisti l-oħrajn, bħallisa qed jaħdmu sigħat twal, biex jagħtu l-aħħar irtokki għal din il-kreazzjoni Karnivaleska tagħhom.
Sibnihom għaddejjin ġmielhom bix-xogħol fl-aħħar irtokki ta’ żebgħa u iżjed fuq il-karru, ilkoll ħerqana biex jasal il-jum meta wara sena ta’ xogħol iebes, ikunu jistgħu jiddandnu bix-xogħol tagħhom.
Grech spjegalna li t-tema magħżula għal din is-sena ġiet ispirata mis-sensiela popolari televiżiva ‘Britian’ Got Talent’.
