Siġar fil-Mosta kellhom jinżabru wara li spiċċaw perikolużi minħabba li spiċċaw daħlu f’wires tad-dawl b’mod li kienu qed joħolqu periklu. Is-siġar li jinsabu f’misraħ Anġlu Gatt inżabru fl-aħħar jiem. L-espert tal-ortikoltura Peter Calleja ta parir lill-Kunsill Lokali biex din iż-żabra qawwija ssir minnufih anke jekk Awwissu mhux ideali. “Is-sigurtà tiġi l-ewwel,” qal Calleja f’parir ippubblikat fuq il-paġna tal-Kunsill Lokali tal-Mosta.
Ma setax jonqos li f’xi paġni online ikun hemm min ikun pront joħroġ għall-attakk minħabba din l-azzjoni. Iżda, il-parir ippubblikaw hawn taħt jitkellem waħdu.
