Nirien li mexjin b’mod mgħaġġel fil-muntanji fit-Tramuntana ta’ Los Angeles f’Kalifornja, sfurzaw eluf ta’ nies biex jitilqu minn djarhom.
In-nar ħakem żona ta’ 20,000 tomna sas-Sibt filgħaxija, filwaqt li ħoloq daħna kbira fuq Los Angeles County.
Mat-300 persuna kienu evakwati mill-belt Santa Clarita li tinsab fil-viċinanzi. Pixxini pubbliċi f’Pasadena u Glendale ingħalqu minħabba d-duħħan u l-irmied.
In-nirien qed jimxu bis-saħħa ta’ temperaturi għoljin u irjieħ qawwija, hekk kif bassara tat-temp avżaw li dawn il-kundizzjonijiet se jibqgħu fis-seħħ.
