Sewwieq ta’ mutur l-isptar wara ħabta ħdejn l-ajruport

Sewwieq ta’ mutur, li l-identità tiegħu għadha mhux magħrufa, ittieħed l-isptar wara ħabta bejn mutur u vettura.

Il-każ seħħ għall-ħabta tat-7:50 ta’ dalgħodu ħdejn ir-roundabout tal-Ajruport Internazzjonali ta’ Malta, f’Ħal Luqa.

Fuq il-post marru l-Pulizija flimkien ma’ tim mediku mill-Isptar Mater Dei.

B’konsegwenza ta’ dan l-inċident, it-triq ingħalqet għal ftit, iżda issa tinsab miftuħa għat-traffiku.