Raġel ta’ 45 sena mill-Birkirkara ndarab gravi wara inċident bil-mutur f’Birkirkara.
Il-każ seħħ għall-ħabta tas-sitta u kwart ta’ filgħodu fi Triq Dun Karm, Birkirkara.
REKLAM
SKROLLJA BIEX TKOMPLI
Mill-ewwel stħarriġ irriżulta li seħħet ħabta bejn Ford Fiesta, misjuqa minn mara ta’ 52 sena residenti Ħad-Dingli, u mutur Honda PCX, misjuq mill-vittma.
Ir-raġel ingħata l-għajnuna minn tim mediku, ittieħed l-isptar b’ambulanza u ġie ċċertifikat li sofra ġrieħi gravi.
L-investigazzjonijiet mill-Pulizija għadhom għaddejjin.
