Sewwieq ta’ mutur iweġġa’ serjament f’ħabta ma’ karozza f’San Ġwann

Sewwieq ta’ mutur ta’ ħamsa u għoxrin sena weġġa’ serjament f’inċident li seħħ dalgħodu fi Vjal ir-Riħan f’San Ġwann.
Il-każ seħħ għall-ħabta tal-ħdax ta’ filgħodu, meta saret ħabta bejn karozza misjuqa minn mara ta’ tmienja u tletin sena minn San Pawl il-Baħar u l-mutur misjuq mill-vittma, li huwa Ungeriż.
Ir-raġel ingħata l-għajnuna minn tim mediku u ttieħed l-isptar b’ambulanza.
Huwa ġie ċċertifikat li sofra ġrieħi serji.
Dwar il-każ infetħet inkjesta Maġisterjali u l-investigazzjonijiet tal-Pulizija għadhom għaddejjin.