Raġel ta’ sittin sena minn Marsaskala weġġa’ gravi wara li kien involut f’inċident bil-mutur ma’ karozza.
Il-każ seħħ dalgħodu għall-ħabta tal-ħdax fil-Limiti ta’ Buqana fl-Imdina.
REKLAM
SKROLLJA BIEX TKOMPLI
Mill-ewwel stħarriġ irriżulta li seħħet ħabta bejn karozza misjuqa minn raġel ta’ sebgħa u għoxrin sena mill-Mosta, u mutur misjuq mill-vitma.
Is-sewwieq tal-mutur ingħata l-ewwel għajnuna minn tim mediku u ttieħed l-Isptar Mater Dei b’ambulanza, fejn ġie ċċertifikat li sofra ġrieħi gravi.
L-investigazzjonijiet tal-Pulizija dwar dan l-inċident għadhom għaddejjin.
