Raġel ta’ 29 sena li jgħix Ħaż-Żabbar weġġa’ gravi wara ħabta li kellu bil-mutur ma’ karozza oħra. Din kienet qed tinstaq minn raġel ta’ 32 sena li jgħix iż-Żejtun.
L-inċident seħħ għall-ħabta tal-5:00pm tat-Tnejn fi Triq l-Għollieq, kantuniera ma’ Misraħ il-Qalbiena Maltin f’Ħaż-Żabbar. Is-sewwieq tal-mutur ittieħed l-isptar Mater Dei għal aktar kura.
L-investigazzjonijiet tal-Pulizija dwar dan il-każ għadhom għaddejjin.
