Sewwieq ta’ mutur weġġa’ gravi f’inċident tat-traffiku bejn karozza u mutur f’Ħaż-Żebbuġ.
Il-każ seħħ għall-ħabta tal-11:30 ta’ filgħodu fi Triq is-Siġġiewi.
L-inċident seħħ bejn mutur tat-tip Honda li kien qed jinstaq minn raġel ta’ 32 sena li jgħix l-Iklan, u karozza tal-għamla Nissan March, misjuqa minn mara ta’ 26 sena mir-Rabat Għawdex.
Fuq il-post issejjaħ tim mediku li ta l-ewwel għajnuna u ħa lis-sewwieq tal-mutur l-isptar Mater Dei.
L-investigazzjonijiet tal-pulizija għadhom għaddejjin.
