Żagħżugħ Sirjan ta’ 23 sena minn San Ġwann ittieħed l-isptar Mater Dei wara li kien involut f’inċident tat-traffiku fil-Gżira.
Il-każ seħħ għall-ħabta tal-12:00 fi Triq Rue d’Argens fil-Gżira meta seħħet ħabta bejn mutur tal-għamla Kawasaki misjuq miż-żagħżugħ u vettura tal-għamla Ford Transit li kienet qed tinstaq minn raġel ta’ 52 sena mill-Kalkara.
Fuq il-post issejħet ambulanza fejn ħadet lis-sewwieq tal-mutur l-isptar Mater Dei għall-kura meħtieġa.
Il-kundizzjoni tiegħu għadha mhix magħrufa.
