Settembru b’żieda ta’ nies b’impjieg

F’Settembru li għadda, il-persuni b’impjieg full time żdiedu b’ħamsa punt sebgħa fil-mija, filwaqt li dawk b’impjieg part-time bħala l-impjieg ewlieni tagħhom żdiedu bi kważi wieħed fil-mija.

Dan meta mqabbel ma’ Settembru tas-sena ta’ qabel.

Stqarrija tal-Uffiċċju Nazzjonali tal-Istatistika ppubblikat ċifri miksuba minn Jobsplus, li juru li din iż-żieda tirriżulta f’mija u sitta u disgħin elf, tliet mija u erbatax-il persuna b’impjieg full-time, u wieħed u sittin elf sitt mija u sebgħa u sebgħin persuna b’impjieg part time.

Dan ifisser li meta mqabbel ma’ Settembru tal-elfejn u sittax, dawk li jaħdmu full time żdiedu bi kważi għaxart elef, u dawk b’impjieg part time żdiedu b’mitejn.

Biex statistika oħra tikkonferma l-impenn bla preċedent ta’ dan il-Gvern fil-ħolqien tax-xogħol.