Sessjonijiet ta’ saħħa mentali b’xejn għal għajnuna fil-qrib 

Se jitnieda proġett-pilota fil-komunità, li se jkun miftuħ għall-kunsilli lokali interessati biex tingħata l-għajnuna meħtieġa mill-qrib. 

Dan filwaqt li l-Gvern se jkun qed jestendi u jiffinanzja programmi tal-Ewwel Għajnuna rigward is-saħħa mentali fil-komunità u fuq il-postijiet tax-xogħol.  

B’hekk se jiġu offruti sessjonijiet f’postijiet kemm jista’ jkun viċin tal-persuni li qed ifittxu l-għajnuna. Se jiġi offrut ukoll servizz ta’ outreach, permezz ta’ video calls jew bit-telefown. Dan l-investiment ta’ €4.5 miljun, se jissarraf f’madwar 90,000 intervent. 

Fl-istess waqt se jinħoloq Ċentru Psikjatriku Akut.