Il-kumpanija Bolt qed tikkollabora mas-Servizz Nazzjonali tat-Trasfużjoni tad-Demm f’Malta. Bħala parti minn din il-kollaborazzjoni, Bolt se joffru vjaġġi b’xejn lil nies li jagħtu d-demm.
Is-servizz b’xejn se jkun minn u lejn iċ-ċentru tal-għoti tad-demm fi Gwardamanġa.
Fi stqarrija, Bolt ħabbru li din il-kollaborazzjoni se tkompli sejra sal-aħħar tas-sena.
REKLAM
SKROLLJA BIEX TKOMPLI
Biex tieħu dan is-servizz u fl-istess ħin tgħin lil ħaddieħor, trid iċċempel liċ-Ċentru tal-Għoti tad-Demm biex tagħmel prenotazzjoni. Rappreżentant taċ-Ċentru tal-Għoti tad-Demm imbagħad jipprovdi slot u jibbukkja r-rikba permezz tal-app Bolt.
Ladarba jitlesta l-proċess tal-għoti tad-demm, iċ-Ċentru tad-Donazzjoni jibbukkja l-Bolt ride għad-donatur biex jieħdu d-dar jew fid-destinazzjoni tal-għażla tiegħu.
