Raġel allegatament armat b’sikkina daħal jisraq minn ħanut fil-Mosta.
Kien għal ħabta tal-ħamsa u nofs ta’ wara nofsinhar tal-Erbgħa, meta l-pulizija ġew infurmati li kienet seħħet serqa minn ħanut fi Triq Sant’Anna, il-Mosta.
Fi stqarrija l-pulizija qalet li raġel liebes ‘hoody’ u allegatament armat b’sikkina daħal fil-ħanut u talab lill-tfajla ta’ 18-il sena li taħdem fil-ħanut, sabiex tagħtih il-flus.
Ir-raġel ħarab minn fuq il-post b’ammont ta’ flus kontanti.
Bil-każ ġiet infurmata l-Maġistrat tal-Għassa Dr Natasha Galea Sciberras li ħatret Inkjesta filwaqt li għaddejin l-investigazzjonijiet mill-Pulizija mill-Għassa tal-Mosta.
