Il-Ħamis kmieni filgħodu, f’San Pawl il-Baħar insteraq lifter minn Triq l-Erba’ Mwieżeb u Generator minn Triq Il-Wileġ.
Malli irċiviet ir-rapporti l-pulizija tad-distrett marret tagħmel ronda u sabet il-lifter u l-generator qrib il-Knisja ta’ San Pawl il-Baħar.
Il-Pulizija sabet li kien hemm raġel li kien qed jgħabbi l-generator permezz ta’ lifter fuq van. Van li ukoll insteraq ftit tal-jiem ilu mill-Imsida.
Hekk kif il-pulizija kienu se jarrestaw lir-raġel, dan ħarab minn fuq il-post.
Dwar dan il-każ inħatret ukoll inkjesta maġisterjali.
Kawza ta’ din is-serqa waqa’ xi diesel mat-toroq ta’ San Pawl il-Baħar. Filfatt membri tal-protezzjoni ċivili isejjħu fuq il-post biex ineħħu diesel u l-perikolu li seta’ jikkawża.
