Fuq Fomm Kulħadd
Episodji
Episodju 1:
Maltempati Qerrieda
23m
F'dan l-episodju se nitkellmu dwar żewġ maltempati qerrieda li laqtu lil pajjiżna fl-1979 u fl-1982, it-tnejn fix-xahar ta’ Ottubru. Warajhom minbarra ħsarat kbar ma kullimkien, ħallew tmien vittmi. Imwiet li kienu Fuq Fomm Kulħadd.
Episodju 2:
Is-serqa tas-seklu
19m
F'dan l-episodju se nitrattaw serqa li fil-mira tagħha kien hemm il-pagi tal-ħaddiema kollha tat-tarzna. Serqa li sa dak iż-żmien kienet meqjusa bħala s-serqa tas-seklu u kienet Fuq Fomm Kulħadd.
Episodju 3:
Iktar minn 100 jum maħrub
21m
F'dan l-episodju se nitrattaw delitt li seħħ fil-Mosta f’Ġunju 1963 u t-tfittxija li damet għaddeja x-xhur għall-allegat qattiel. L-istorja ta’ Ċikku Fenech magħruf bħala il-Misrum. Kienet storja Fuq Fomm Kulħadd.
Episodju 4:
Traġedja fuq il-baħar
17m
F'dan l-episodju se nitrattaw l-ikbar traġedja li l-Għawdxin ħabbtu wiċċhom magħha sa minn wara t-Tieni Gwerra Dinjija. L-għarqa ta’ luzzu f’Ħondoq ir-Rummien – traġdeja li ħallit warajha tlieta u għoxrin vittma. Traġedja li kienet Fuq Fomm Kulħadd.
Episodju 5:
ERBA' DELITTI MWETTQA F'MALTA
19m
F'dan l-episodju nagħtu ħarsa lejn erba delitti mwettqa f’Malta fl-1955, fl-1984, fl-1986 u fl-1998 rispettivament.
Fid-delitt tal-1955 il-vittma kien missier ta’ żewġ t’itfal mill-Gudja. It-tlett delitti l-oħra twettqu mill-istess persuna. Il-Qorti sejhitlu l-ewwel serial killer Malti.
Ilkoll ġrajjiet li kienu Fuq Fomm Kulħadd.
Episodju 6:
CARMELO BORG PISANI
22m
F'dan l-episodju se nitrattaw l-istorja ta’ Carmelo Borg Pisani, żagħżugħ Malti li kien jgħix l-Italja u li fl-1942, fl-eqqel tal-bumbardamenti fuq Malta fit-Tieni Gwerra Dinjija, offra lilu nnifsu għal missjoni ta’ spjunaġġ f’pajjiżna.Ġrajja li fis-snin ta’ wara kienet Fuq Fomm Kulħadd.
Episodju 7:
GERALD STRICKLAND
22m
F'dan l-episodju nitrattaw ġurament falz u attentat ta’ qtil li t-tnejn kellhom fil-mira tagħhom lir-raba Prim Ministru ta’ Malta – Gerald Strickland.
Episodju 8:
DELITTI
18m
Fl-episodju tal-lum se nitrattaw erba' delitti li lkoll seħħew fi Frar tal-1988.Delitti li twettqu mill-istess persuni u għalhekk dan huwa meqjus bħala l-ewwel kaz ta’ serial killers f’Malta.Delitti Ii kienu Fuq Fomm Kulħadd.
Episodju 9:
QABDA TAD-DROGI
22m
Fl-episodju tal-lum se nitrattaw l-istejjer ta’ Francesco de Assis Queiroz u ta’ Hashim Jusef Al Zabi, zewg traffikanti tad-droga u r-rabta taghhom ma’ Malta.Ġrajjiet li kienu fuq Fomm Kulħadd
Episodju 10:
April 1942
20m
Fl-episodju tal-lum se nitrattaw xahar partikolari fit-tieni Gwerra Dinjija - April 1942 - u dak li għaddiet minnu Malta.Ġrajjiet li kienu fuq Fomm Kulħadd
Episodju 11:
Il-Ħtif tal-Ajruplan fl-1973
18m
Fl-episodju tal-lum se nitrattaw ġrajja li seħħet f’Malta iżda kellha konotazzjonijiet internazzjonali. Ġrajja li bl-intervent tal-Prim Ministru ta’ dak iż-żmien, Dom Mintoff, kellha tmiem għal kollox differenti minn dak li bassru ħafna.
Episodju 12:
IL-ĠURI POLITIKU TAL-1933
22m
F'dan l-episodju se nitrattaw ġuri li sar f’pajjiżna fl-1933. Kien ġuri politiku li fil-mira tiegħu kellu persuni li kien jħaddnu twemmin Soċjalista.
Episodju 13:
L-IMMIGRAZZJONI LEJN L-AWSTRALJA
21m
F'dan l-episodju neżaminaw il-pregudizzji razzjali li l-Maltin ħabbtu wiċċhom magħhom snin ilu meta ipprovaw jemigraw lejn l-Awstralja.
nitkellmu dwar referendum li sar fl-Awstralja u li bla ma jafu kif, sabu ruħhom bħala protagonisti ewlenin fih, mitejn u erbatax – il Malti.