Sentenża sospiża wara li ta kenn lil martu wara li daħlet Malta b’mod illegali

Sirjan ta’ 26 sena ġie kundannat sena ħabs sospiża għal sentejn wara li ammetta li ta kenn lill-mara tiegħu wara li daħlet Malta b’mod illegali.

Fil-Qorti ntqal li dan sar b’b’rabta mal-iżbark ta’ immigranti f’Settembru li għadda f’Delimara.

Fl-iżbark diversi persuni kienu ġew arrestati wara li kienet daħlet dgħajsa b’mod illegali f’Malta.

Fuq talba tal-Prosekuzzjoni, il-Maġistrat Natasha Galea Sciberras ordnat li isem l-akkużat ma jissemmiex minħabba li għadhom għaddejjin l-investigazzjonijiet fuq dan il-każ.