Sentenza sospiża għal żagħżugħ li ta daqqa ta’ lembuba lil raġel ieħor

Dillion Portelli ta’ 21 sena weħel sentejn ħabs sospiżi għal erba’ snin wara li ammetta li kkawża ġrieħi gravi f’ras sewwieq ieħor.

Fil-Qorti nstema’ kif tliet xhur ilu nqala’ argument fi Triq il-Marfa, il-Mellieħa wara li wieħed minnhom akkuża lil ieħor li kien tefa’ xi ilma lejn il-karozzi.

Kien spjegat kif it-tnejn iġġieldu u Portelli ta daqqa ta’ lembuba f’ras il-vittma bil-konsegwenza li kkaġunalu ġrieħi gravi f’rasu, l-akkużat ħarab mill-post ftit wara.

Aktar tard huwa nqabad mill-Pulizija.

Iż-żagħżugħ li qatt ma xellef difrejh mal-ġustizzja ammetta għall-akkużi miġjuba kontrih u għaldqastant il-Qorti ħarġet ordni ta’ trattament u garanzija ta’ erba’ snin biex ma jersaqx lejn il-vittma.