Propju llum 22 ta’ Marzu 2018 jimmarka s-sentejn minn meta l-ISIS kienu wettqu attakk fl-ajruport ta’ Brussel fil-Belġjum.
F’dan l-attakk, fl-ajruport inzerta kien hemm Maltin fosthom Lorenzo Vella.
Fi status li tella’ fuq il-facebook personali tiegħu, Vella ddeskriva dak il-mument bħala wieħed tal-biża’ u saħaq li minn dakinhar ‘il quddiem, il-ħajja nbidlet. Kompla billi qal li hija sfida kontinwa kemm fiżikament u anke psikoloġikament imma l-pożittività dejjem tirbaħ fuq in-negattività.
