Sejba ta’ 13-il kilo kokaina moħbija f’siġġu tar-roti ġewwa l-ajruport ta’ Milan

Madwar 13-il kilo kokaina, b’valur ta’ 1.4 miljun ewro, instabet moħbija f’siġġu tar-roti ta’ passiġġier li kien għadu kemm wasal l-Ajruport ta’ Malpensa f’Milan f’titjijra mid-Dominica.

Dawn instabu ġot-tapizzerija tas-siġġu tar-roti wara imġiba suspettuża mill-kelb tad-Dwana. Instabu total ta’ 11-il pakkett kokaina, li jammontaw għal madwar 27,000 doża.

Il-persuna, li kienet qiegħda tagħmel użu mis-siġġu tar-roti, ma kellu ebda diżabilità, tant li qam u mexa mingħajr ebda diffikultà. Huwa ġie arrestat minnufih.