Disat ijiem wara, Busuttil għadu ma ppublikax l-invoices

• Għaddew disat’ijiem u Simon Busuttil għadu ma ppubblikax l-invoices li huma foloz
• Il-Kap tal-Oppożizzjoni huwa żgur li m’għandux ħaddiema oħrajn li huma mħallsa min-negozjanti?

Dawn kienu punt u domanda li għamlu l-Ministru għas-Saħħa Chris Fearne u s-Segretarju Parlamentari Justyne Caruana waqt konferenza tal-aħbarijiet fiċ-Ċentru Nazzjonali Laburista.

Is-Segretarju Parlamentari qalet li dan huwa każ ċar li fih il-Partit Nazzjonalista nqabad. Każ ċar fejn Simon Busuttil inqabad. Huwa każ li juri kemm Busuttil hu falz. Hawn, innotat Caruana, qed nitkellmu fuq sistema li ħoloq huwa stess, sistema ta’ invoices foloz in return għall-ħlas ta’ żewġ pagi li talab hu, żewġ pagi tal-ogħla uffiċjali tiegħu.

Nhar Il-Ġimgħa x-Shadow Minister tal-PN Marthese Portelli f’Xarabank qalet li l-Partit Nazzjonalista se jkun qed jippubblika l-invoices, mentri Clyde Puli qal li l-PN mhux se jkun qed jippubblikahom. Caruana qalet li dawn il-kuntrasti, dan in-nuqqas ta’ qbil, l-id il-leminija li ma tafx x’inhi tagħmel ix-xellugija huwa sintomtiċi u tort ta’ Kap tal-Oppożizzjoni li ħoloq din l-istraġi.

Żiedet tgħid li l-Kap tal-Oppożizzjoni li jinsab waħdu. Fakkret li Chris Said li kien Segretarju Ġenerali tal-PN meta bdiet din is-sistema ta’ ħlas ta’ pagi ħasel idu minnha, Mario DeMarco giddeb lil Simon Busuttil u Alex Perici Calascione minkejja li huwa t-tezorier tal-PN u allura l-persuna legalment responsabbli ma kienx jaf biha.

Meta wieħed jara dan kollu, osservat Justyne Caruana, allura bilfors li l-Partit Laburista jibqa’ jistaqsi, bilfors li jagħmel konferenza tal-aħbarijiet waħda wara l-oħra, sakemm jibdew jaslu t-tweġibiet li l-Kap tal-Oppożizzjoni qed jaħrab milli jagħti.

Għalhekk għamlet sfida pubblika oħra u minkejja li f’intervista Busuttil qal li m’hemmx aktar negozjanti li qed iħallsulu aktar pagi, staqsiet; il-Kap tal-Oppożizzjoni huwa zgur li m’għandux ħaddiema oħrajn li huma mħallsa min-negozjanti?

Il-Ministru Chris Fearne qal li dan huwa każ serju u bla preċedent. Sar minn persuna li ma titlifx ġurnata waħda biex titkellem fuq il-kontabilità, fuq il-good governance u fuq it-trasparenza biex tipprova turi kemm hija nadifa. Ma titlifx ġurnata biex tikkundana lil xi ħaddieħor mingħajr prova waħda, iżda dwarha u meta jkun hemm dikjarazzjonijiet ċari tinsa dak li tkun qalet għal mument

Simon Busuttil, qal il-Ministru, falla test wara l-ieħor u issa għandna każ ieħor li qed ifalli; għalhekk Simon Busuttil huwa falz. Is-sistema tal-invoices huwa każ ċar ta’ ksur tal-liġi tal-finanzjament tal-Partiti li mill-Oppożizzjoni, Simon Busuttil għamel attakk faħxi kontra tagħha, qisu għadu rrabjat li dan il-Gvern daħħal din il-liġi.

L-ewwel ħoloq l-iskema taċ-ċedoli li permezz tagħha prova jdur mal-liġi u issa nkixefb’sistema ta’ invoices foloz li tikser il-liġi mingħajr dubbju.

Allura saqsa dawn il-mistoqsijiet, wara li għaddew disat’ijiem u Simon Busuttil għadu ma ppubblikahomx.

1. X’għandu x’jaħbi?
2. Minn xiex qed jibża’?
3. Jekk kif qed jgħid li dawn ingħata servizz in return, mhux faċli allura tgħid x’servizzi kienu?
4. Jiċħad li rċieva aktar minn €500,000 f’donazzjonijiet mill-grupp DB kif irraportat il-media?

https://www.facebook.com/partitlaburista/videos/1453098384720798/